How to Be Happy July 23, 2009
Posted by វណ្ណា ចេង in ទូទៅរីករាយ.Tags: ជីវិតរីករាយ
3 comments
រីករាយក្នុងគ្រួសារ រីករាយនឹងការសិក្សា រីករាយនឹងកន្លែងធ្វើការ ជាគន្លឹះនៃការរីករាយក្នុងជីវិត!!!
កើតមកជាមនុស្សមួយត្រូវតែរីករាយក្នុងជីវិតមិនថាក្នុងស្រទាប់វណ្ណៈណាទេ។ រាល់ពេលអ្នកក្រោកពីគេង អ្នកគួរនិយាយថា “ឪពិភពលោកដ៏ស្រស់ស្អាត! ព្រឹកនេះពិតជាគួរអោយស្រស់បំព្រងអ្វីម្លេះទេ!”។ បញ្ហាstressជាចំនុចតូចមួយដែលយើងគួរចាត់ទុកថាងាយស្រួលបំបាត់ចេញមិនអោយមានការសៅហ្មងក្នុងអារម្មណ៍របស់យើងចាប់ពីពេលនេះតទៅ។
មនុស្សចំនាយពេលវេលាច្រើនបំផុតជាមួយនឹងគ្រួសារចាប់តាំងពីចាប់កំនើតម្ល៉េះ។ គ្រួសារដែលគ្មានអំពើហឹង្សា (មិនថាតាមរូបភាពណា) សំបូរភាពល្អូកល្អើន តែងបង្កភាពកក់ក្តៅដល់កូននិងសមាចិកគ្រួសារ។ គ្រួសាររីករាយគឺគ្រួសារដែលមានសុភមង្គល។
រីករាយក្នុងការសិក្សាជាវិធីសាស្រ្តដ៏មានប្រសិទ្ធភាពមួយចំពោះអ្នកសិក្សាគ្រប់រូបដែលចង់រៀនដោយមិនងងុយគេងនិងមិនសូវធុញ។ ពេលអ្នកទទួលបានភាពរីករាយក្នុងការសិក្សា នោះអ្នកនឹងចង់ទៅរៀនមិនខ្ជិលរៀននោះទេ។ ពេលឪកាសបុណ្យឈប់សំរាក (Public Holidays) មកដល់ដែលមានរយៈពេលយូរ អ្នកនឹងមានអារម្មណ៍ចង់ទៅសាលា ដែលទាំងនេះខុសពីអ្នកដែលមិនរីករាយក្នុងការសិក្សាដែលបន់អោយដល់ថ្ងៃឈប់សំរាក។
រីករាយក្នុងកន្លែងធ្វើការក៏ដូចគ្នាដែរ។ បរិស្ថានការងារត្រូវចូលមកដល់ពេលអ្នកបញ្ចប់ការសិក្សា។ នេះជារបត់នៃវដ្តធម្មជាតិរបស់មនុស្ស។ ដូចនេះ អ្នកប្រហែលជាចំនាយពេលភាគច្រើនក្នុងកន្លែងធ្វើការរបស់អ្នក។ បើសិនជាអ្នកបង្កើតបរិយាកាសសប្បាយរីករាយ មិនបង្កជំលោះ មានទំនាក់ទំនងល្អជាមួយបុលសេវិក នោះអ្នកកំពុងតែបង្កើនកត្តាគ្រឹះមួយហើយ។